ٹرک وکار کے تصاد م میں ایک شخص کی موت

اٹاوہ(نامہ نگار)ضلع میں سردی عروج پر ہے۔اس کا ا ثرنظرآنے لگا ہے۔ آج صبح ایک بے قابو ٹرک ضلع مجسٹریٹ کی رہائش کے قریب واقع چوراہے پر کار سے ٹکراگیا۔ حادثہ اس قدر خوفناک تھا کہ کارمیں سوارلوگ کارہی میں پھنس گئے سول لائن پولیس نے کرین کی مدد سے ٹرک کو ہٹوایا اورکار میں سوار لوگوں کو اسپتال میںداخل کرایا۔اسپتال میں کارڈرائیورکی موت ہوگئی۔ڈاکٹروں نے دیگر زخمیوں
کی حالت کو تشویشناک بتاتے ہوئے انھیں سیفئی کے پی جی آئی بھیج دیا۔حادثہ کے بعد ٹرک ڈرائیور فرارہوگیا۔ موصولہ خبر کے مطابق ضلع اسپتال سے مریض کولیکر تھانہ علاقہ کے گائوں نگلا نیلائی کے باشندے لال کشن کا ۲۰؍سالہ بیٹااورچھوٹے دیوپرساد کا ۲۳؍سالہ بیٹا لال کشن،رام نرائن کی بیوی جے دیوی،چھوٹے لال کی ۱۹؍سالہ بیٹی سیما اورنگلا جگے کے باشندے دھنی رام کا بیٹاشری کرشن جارہے تھے۔جیسے ہی مذکورہ لوگ ضلع مجسٹریٹ کی رہائش گاہ کے قریب چوراہے پر پہنچے اسی دوران کارتیز رفتار ٹرک کی زد میںآگئی ۔موقع پر پہنچ کر سول لائنس پولیس نے زخمیوںکو ضلع اسپتال پہنچایا لیکن علاج کے دوران چھوٹے مہادیوکی موت ہوگئی۔ڈاکٹروں نے بتایاکہ دیگرزخمی کی حالت تشویشناک ہے اس لئے انھیں سیفئی کے پی جی آئی بھیج دیاگیا۔