آئندہ برس ۶فلموں میں ساتھ رہیں گے پرکاش جھا اور اجئے د یوگن

ڈائرکٹر پرکاش جھا اور ایکٹر اجئے دیوگن سال 2015ء میں مشترکہ طور پر 6 فلمیں پروڈیوس کریں گے۔ ان کی چھ فلموں میں پہلی فلم ’’کریزی کوکڈ فیملی‘‘ ہوگی۔ جسے رتیش مینن ڈائرکٹ کریں گے اور اس میں سوانند کرکرے، شکیا شکلا، نندکامت کشال پنجابی اہم کردار نبھائیں گے۔ ان کی دوسری فلم ’’فراڈسیاں‘‘ ہوگی جسے سوربھ سریواستو ڈائرکٹ کریں گے۔ فلم میں ارشد وارثی سوربھ شکلا، کریتی کلہاری کے اہم کردار ہوں گے۔ تیسری فلم کا ٹائٹل ’’لپ اسٹک والے سپنے‘‘ ہوگا جسے النکریتا سریواستو ڈائرکٹ کریں گے ۔ کونکنا سین شرما، رتنا پھاٹک شاہ، آہانہ کمارا، سشانت سنگھ اس کے لیڈر کردار نبھائیں گے۔ گنگا جل 2ٹائٹل سے بنائی جانے والی ان کی چوتھی فلم ہوگی جسے پرکاش جھا خود ڈائرکٹ کریں گے۔ پانچویں فلم ’’ست سنگ‘‘ ہوگی اسے بھی خود جھا ڈائرکٹ کریں گے۔ جس میں اجئے دیوگن کلیدی رول نبھائیں گے۔ جھا اور دیوگن کی چھٹویں فلم راج نیتی 2 ہوگی جس میں اجئے دیوگن ہی لیڈ رول نبھائیں گے۔ اور اسے بھی پرکاش جھا ہی ڈائرکٹ کریں گے۔