فرا سیاں کے مزاحیہ کردار میں آئیں گے ارشد وارثی

اداکار ارشد وارثی ایک بار پھر بالی ووڈ میں کچھ الگ کرتے نظر آئیں گے جی ہاں جالی ایل ایل بی کے بعد ارشد پرکاش جھا کی نئی فلم ’’فراڈسیاں‘‘ میں نظر آئیں گے۔ ڈائرکٹر پرکاش جھا اپنی الگ طرز کی فلم کی وجہ سے بالی ووڈ میں کافی مقبول ہیں، لیکن اس بار وہ کامیڈی پر قسمت آزمانے جارہے ہیں۔ فراڈسیاں میں ارشد وارثی ایک دھوکہ باز کے رول میں نظر آئیں گے اور ان کے پاس ہوں گی 13 بیویاں۔ ارشد ایک ٹھگ بنے ہیں جو دولتمند خواتین کو پنساکر ان سے شادی کرلیتے ہیں ۔ فائدہ اٹھاتا ہے اور فرار ہو جاتا ہے۔ پرکاش جھا نے اس کہانی کو ایک کامیڈی اور ہلکے پھلکے انداز میں پیش کیا ہے۔ اس فلم میں ارشد کے کردار کا ماننا ہے کہ شادی سب سے اچھا بزنس ہے۔ فراڈ سیاں کی شوٹنگ اس ماہ سے بھوپال میں شروع ہوگی۔ اس فلم میں ارشد وارثی کے ساتھ سوربھ شکلا بھی ہیں۔ واضح ہو کہ اس سے قبل پرینکا چوپڑہ کو سات خون معاف میں سات شوہروں کے ساتھ دیکھا تھا لیکن ارشد اس فلم کے ذریعہ پرینکا کا ریکارڈ توڑ دیں گے۔