اب اپنا پسندیدہ موبائل نمبر خود بناسکتے ہیں صارف

نئی دہلی(وارتا) ٹیلی مواصلات خدمات فراہم کرانے والی معروف نجی کمپنی ٹاٹا ڈوکومو نے من پسند موبائل نمبر کی خواہش رکھنے والے افراد کیلئے نئی خدمات کا آغاز کیا ہے جس کے تحت کوئی بھی صارف اپنی پسند کے دس ہندوسوں کا نمبر خود بناسکتا ہے۔ کمپنی کے برانڈڈرٹیل سربراہ سندیپ سنگھل نے کہا کہ ’’اٹس مائی لائف، اٹس مائی نمبر‘ ٹیگ لائن کے ساتھ شروع کی گئی اس سروس کے تحت صارفین کو اپنا من پسند موبائل نمبر حاصل کرنے کیلئے کئی متبادل دئے گئے ہیں۔ یہ سہولت کمپنی کے سبھی برانڈ اسٹور پر دستیاب ہے۔ انھوںنے بتایا کہ اس کے تحت اسٹور کے کمپیوٹر میں صارفین کے اپنا نام درج کرنے سے وہ اسے ہندوسوں تبدیل کر دے گا اس کے بعد اسکے پاس موبائل نمبر کے کئی متبادل ہوں گے اور وہ اس سے اپنے پسندیدہ نمبر کا انتخاب کرسکتے ہیں۔ صارفین کے ایک سے نو کے درمیان کوئی بھی ہندیسہ ٹائپ کرنے سے کمپیوٹر کے اسکرین پر اس نمبر سے ملتے جلتے نمبر نظر آئیں گے اور صارف ان میں سے اپنے پسندیدہ نمبر کا انتخاب کرسکتے ہیں۔ انھوںنے کہا کہ کسی خاص نمبر کو حاصل کرنے کے لئے اگر بہت سے خواہش مند ہوں گے تو کمپیوٹر اس کے آخری پانچ ہندوسوں کو ظاہر کرے گا۔ مسٹر سنگھل نے کہا کہ یہ ٹیلی مواصلات صنعت کی پہلی اور نئی سروس ہے اور ہم ایسے موجودہ اور نئے صارفین کے درمیان پیش کرنے کے سلسلے
میں کافی پر امید ہیں۔