گاڑیوں کے تصادم میں دوافراد کی موت

امروہہ۔ (وارتا)۔ اترپردیش میں امروہہ کے گجرولا علاقہ میں گھنے کہرے کے سبب چار گاڑیاں آپس میں ٹکرا گئیں جس سے دو لوگوں کی موت ہو گئی اور پانچ دیگر زخمی ہو گئے۔ پولیس کے مطابق قومی شاہراہ ۲۴ پر گجرولا کے نزدیک آج صبح لکڑیوں سے بھرا ایک منی ٹرک سامنے سے آرہے ٹرک سے ٹکرا گیا اسی دوران ایک بس اور کار گھنے کہرے کے سبب ان گاڑیوں سے ٹکرا گئے۔اس حادثہ میں منی ٹرک میں سوار واجد اور جراوت کی موقع پر ہی موت ہو گئی جب کہ پانچ دیگر زخمی ہو گئے۔ زخمیوں کو اسپتال میں داخل کرادیا گیا ہے اور لاشیں پوسٹ مارٹم کیلئے بھیج دی گئی ہیں۔
پولیس معاملہ کی تفتیش کرر ہی ہے۔