موبائل کی د کان میں نقب لگاکر چوری

لکھنؤ۔(نامہ نگار)عالم باغ علاقے میںہفتہ کی شب بے خوف چوروں نے ایک موبائل کی دوکان میں نقب لگاکر ہزاروں کی نقدی اور قیمتی سیل فون چرالے گئے۔
اطلاع پر پہنچی پولیس نے تفتیش کے بعد نامعلوم چوروں کے خلاف معاملہ درج کرلیا ہے۔ عالم باغ کے رہنے والے سنجے گپتا کی تالکٹورہ روڈ پر موبائل کی دکان ہے ۔ ہفتہ کی شب بے خوف چوروں نے دکان میں نقب لگاکر دس ہزار روپئے نقد اور تقریباً پچیس ہزارروپئے کے قیمتی سیل فون چرالے گئے۔
اتوار کی صبح جب انہوں نے دکان کا شٹر کھولا تو اندر کا نظارہ دیکھ کر ان کے ہوش اڑگئے۔ دکان کا سار سامان بکھرا پڑاتھا اور پیچھے کی دیوار میں نقب لگی تھی۔ انہوںنے اس بات کی فوری اطلاع پولیس کو دی۔ موقع پر پہنچی پولیس نے تفتیش کی لیکن چوروں کا کوئی سراغ ہاتھ نہیں لگا۔ پولیس نے سنجے کی تحریر پر نامعلوم چوروں کے خلاف معاملہ درج کرلیا ہے۔