بی بی ایل کے بعد کرکٹ کو الوداع کہہ سکتے ہیں بریٹ لی

  سڈنی۔ آسٹریلیا کے سابق تیز گیندباج بریٹ لی نے آج اعلان کیا کہ وہ بگ بیش لیگ(بی بی ایل ) کے ختم ہونے کے بعد کرکٹ کے تمام فارمیٹس سے ریٹائرمنٹ لے لیں گے جس کے ساتھ ہی ان کے 20 سال کے شاندار کرکٹ کیریئر کا آخر ہو جائے گا۔38 سال کے تیز گیند باز جولائی 2012 میں ہی بین الاقوامی کرکٹ سے دور ہو گئے تھے لیکن انہوں نے ٹی -20 کرکٹ میں گھریلو سطح پر بی بی ایل میں سڈنی سکسرس اور آئی پی ایل میں کھیلنے جاری رکھا تھا۔بی بی ایل کے آخری دور میں سڈنی تھنڈر کے خلاف اگلے جمعرات کو ہونے والے میچ میں سڈنی سکسرس کے
ہارنے اورپلے آف کی دوڑ سے باہر ہونے پر یہ بریٹ لی کا آخری میچ ہو سکتا ہے۔اپنے فیصلے کا اعلان کرتے ہوئے لی نے کہا کہ وہ بہت جذباتی اور پرجوش محسوس کر رہے ہیں۔انہوں نے کہااس سال کے بعد اب اور کرکٹ نہیں ہو گا۔لی نے کہا کہ میں حوصلہ افزائی ہوں، جذباتی ہوں، خوش ہوں، لیکن میں یقینی طور پر فکر مند نہیں ہوں کیونکہ مجھے معلوم ہے کہ میں نے صحیح فیصلہ لیا ہے۔ لی نے آسٹریلیا کیلئے 76 ٹسٹ میچ کھیلے ہیں اور ان میں 30۔81 کی اوسط سے مجموعی 310 وکٹ ہیں جبکہ 221 ون ڈے میچوں میں 23۔36 کی اوسط سے 380 وکٹ ان کے اکاؤنٹ میں درج ہیں۔ شین وارن، گلین میگرا اور ڈینس للی کے بعد وہ ٹسٹ میچوں میں آسٹریلیا کی جانب سے چوتھے سب سے زیادہ وکٹ لینے والے بولر ہیں۔ ساتھ ہی لی ون ڈے میچوں میں گلین میگرا کے ساتھ آسٹریلیا کی جانب سے سب سے زیادہ وکٹیں لینے والے باؤلر ہیں۔