تمام فلموں کی پیشکش کا سبب ’کک ہے:جیکولین فرنینڈ س

ممبئی۔ بالی وڈ اداکارہ جیکو لین فرنینڈس اپنی نئی فلموں میں بالکل منفرد انداز میں مداحوں کو د کھائی دینگی۔ ذرائع کے مطابق بالی وڈ اداکارہ جیکولین فرنینڈس اپنی دونوں نئی فلموں ’’ رائے ‘‘ اور ’’ برادرز‘‘ میں مداحوں کو بالکل نئے انداز میں دکھائی دینگی۔ فلم ’’ رائے‘‘ میں وہ دوہرا کردار نبھا رہی ہیں۔ فلم کے ٹریلر کو مداحوں نے بے حد پسند کیا ہے۔ اس کے علاوہ ان کے ہاتھ میں مزید پانچ فلمیں ہیں اور جیکلین ان تمام پیش
کش کا سبب فلم ’کک‘ کو قرار دیتی ہیں۔.اس سے قبل ان کے پاس پسند نا پسند جیسی کوئی بات نہیں تھی میڈیا سے بات کرتے ہوئے جیکلین نے کہا ’پہلے میرے پاس چوائس نہیں تھی۔ جو میرے ہاتھ آتا وہ کرنا پڑتا تھا۔ لیکن سلمان جیسے بڑیا سٹار کے ساتھ کام کرنے کے بعد اب لوگ مجھے نوٹس کرنے لگے ہیں۔‘انھوں نے مزید کہا ’ان دنوں میرے کریئر کا بہترین دور چل رہا ہے۔ میں اپنی مرضی کی فلمیں منتخب کر سکتی ہوں۔ سب کچھ ’کک‘کی وجہ سے ہوا۔‘جیکلین نے یہ بھی بتایا کہ اب انھیں جو فلم مل رہی ہے اس میں ان کے لیے بہت کچھ ہے۔ان کا کہنا تھا کہ پہلے جو فلمیں ملتی تھیں ان میں ایک دو گانے کیے اور کام ختم۔‘دوسری جانب نئی فلم ’’ برادرز‘‘میں وہ چیلنجنگ اور بالکل اپنی شخصیت سے ہٹ کر کردار نبھا رہی ہیں جو مداحوں کی توجہ کا مرکز بنے گا۔ یہ فلم ہالی وڈ فلم ’’ واریر‘‘ کا ہندی ریمیک ہے۔ فلم کی دیگر کاسٹ میں اکشے کمار ، سدھارت ملہوترا اور جیکی شروف شامل ہیں۔ فلم کی پروڈکشن کرن جوہر نے دی ہے۔ فلم 31جولائی کو سینما گھروں کی زینت بنے گی۔