ممبئی: بالی وڈ اداکار شاہ رخ خان ایک بار پھر سے چھوٹے پردے کی طرف لوٹنے کی تیاری میں ہیں۔ بالی وڈ ‘و’بادشاہ’ جلد ہی ایک بگ شو میں دکھائی دیں گے۔ شاہ رخ نے ممبئی میں اس نئے چینل اور اپنے اس نئے شو کے بارے میں اعلان کیا۔ شاہ رخ خان اس چینل پر ایک گیم شو کو ہوسٹ کرتے نظر آئیں گے۔ اس گیم شو میں سوال جواب ہوں گے، لیکن یہ سنگین نہیں بلکہ تفریح کے تڑکے کے ساتھ ہوں گے۔ذرائع نے بتایا کہ شاہ رخ شو کے لئے مان گئے ہیں۔ اس کے بارے میں جلد ہی اعلان کیا جائے گا۔ انہوں نے بتایا کہ وہ نئے چینل پر آنے والے اپنے شو سے مداحوں کو حیران کریں گے۔ ٹی وی پر ‘فوجی’ اور ‘سرکس’ سے کیریئر شروع کرنے والے 49 سالہ اداکار چھوٹے پردے پر پہلے ریئلٹی شو ‘کون بنے گا کروڑ پتی’، ‘کیا آپ پانچویں پاس سے تیز ہیں’ اور ‘زور کا جھٹکا’ جیسے پروگرام کر چکے ہیں۔ شاہ رخ نے کہا کہ ان کا یہ شو تفریح سے بھرپور ہو گا۔ اس میں سوال جواب ہوں گے، مگر ہنسی مذاق کے ساتھ۔ شاہ رخ خان نے کچھ سال پہلے ‘کون بنے گا کروڑ پتی کو بھی ہوسٹ کیا تھا، لیکن ان کے میزبان رہتے ہوئے کے بی سی زیادہ کامیاب نہیں ہوا،
جس کے بعد امیتابھ بچن شو کو ہوسٹ کرنے کے لئے واپس بلائے گئے اس کے بعد شاہ رخ نے ایک اور ٹی وی شو کیا، جس کا نام تھا ‘کیا آپ پانچویں کلاس پاس سے تیز ہیں’ مگر یہ شو بھی نہیں چلا۔ اس کے بعد شاہ رخ ٹی وی سے دور چلے گئے۔ اب شاہ رخ اس گیم شو کے ذریعہ ٹی وی پر واپسی کر رہے ہیں۔ شاہ رخ کہتے ہیں کہ یہ شو ‘کون بنے گا کروڑ پتی’ یا ‘پانچویں پاس’ کی طرح سیریل نہیں ہوگا، بلکہ ہلکا پھولکا اور تفریح کی مکمل گیم شو ہے، جو مجھے بہت پسند ہے۔ فی الحال شاہ رخ اس شو کی شوٹنگ کر رہے ہیں اور انہیں امید ہے کہ ان کی چھوٹے پردے پر ان کی واپسی اس بار شاندار ہوگی۔
