سو (100) کروڑ کلب میں شامل ہوئی رام لیلا

ممبئی، 27 نومبر: بالی ووڈ کی ڈمپل گرل دیپکا پڈوکون کی فلم گولیوں کی راس لیلا رام لیلا 100 کروڑ کے کلب میں شامل ہوگئی ہے ۔سنجے لیلا بھنسالی کی ہدایت میں بنی فلم رام لیلا 15 نومبر کو ریلز ہوئی تھی۔ اس فلم نے پہلے ہفتہ میں 82 کروڑ روپے کی کمائی کی تھی ۔ یہ فلم اب تک 102 کروڑ کی خطیر رقم کا بزنس کرچکی ہے۔2013 میں نمائش کے لئے پیش ہوئی فلم ریس 2، عاشقی 2 ، یہ جوانی ہے دیوانی ، بھاگ ملکھا بھاگ ، چنئی ایکسپریس ، گرینڈ مستی اور کرشن 3 اس سے قبل 100 کروڑ کے کلب میں شامل ہوچکی ہیں۔ دلچسپ بات یہ ہے کہ ان فلموں میں ریس 2، یہ جوانی ہے دیوانی، چنئی ایکسپریس اور رام لیلا سب میں دیپکا پڈوکون نے اداکاری کی ہے۔