آسٹریلین اوپن ڈ بلز میں اعصام الحق کا شاندارآغاز

میلبورن۔
نے آسٹریلین اوپن ڈبلز میں شاندار آغاز کرلیا۔انھوں نے مرد ڈبلز کے پہلے رائونڈ میں سربین ساتھی نیناڈ زیمونچ کی سنگت میں روسی پلیئر تیموریز گاباشیلوی اور قازقستان کے میخائل کوکوشین کو ہرادیا، اگرچہ ان کی جوڑی پہلا سیٹ 6-7 سے ہارگئی تھی تاہم اعصام اورنیناڈ نے زبردست کم بیک کرتے ہوئے دیگر 2 سیٹ 6-4 اور6-3 سے جیت کر برتری ثابت کردی۔تیسرے رائونڈ میں جگہ بنانے کے لیے انھیں اسپینش جوڑی پبلو کارینو بسٹا اور گولیرمو گارشیا لوپز کا چیلنج درپیش ہوگا، مسکڈ ڈبلز میں اعصام کی پارٹنر روسی کھلاڑی ایلا کدر یٹسووا ہیں۔ دوسری جانب ویمنز ڈبلز میں ہندوستانی ٹینس کوئن ثانیہ مرزا اور چائنیز تائپے کی ہائش سو وائی نے بھی ابتدائی میچ جیت لیا، انھوں نے سوئس کھلاڑی رومینا اپرینڈی اور ارجنٹائنی پلیئر ماریا کو 6-2 اور6-0 سے زیر کیا۔