ملبورن۔ ہندوستان کی ٹاپ خاتون کھلاڑی ثانیہ مرزا اور مردوں میں لینڈر پیس اور روہن بوپنا اپنے اپنے جوڑی داروں کے ساتھ جمعہ یہاں آسٹریلین اوپن ٹینس ٹورنامنٹ کے دوسرے راؤنڈ میں شکست کھاکر باہر ہو گئے ہیں۔ گرینڈ سلیم میں دوسری سیڈ ثانیہ اور ان کی جوڑی دار چینی تائیپے کی جوڑی کو شروعات ہی سے جدوجہد کرنا پڑی اور غیر ترجیحی کینیڈا کی گیبریلا گاجوسووا اور پولینڈ کی ایلجا روسولسکا نے ایک گھنٹے تین منٹ تک چلے جدوجہد میں 6۔7۔ 4۔ 6 سے شکست دے کرٹورنامنٹ سے باہر کر دیا۔مرد ڈبلز میں ملک کے سب سے اوپر کھلاڑی پیس اورروس کے راوینک لاسین دسویں سیڈ جوڑی کو دوسرے دور میں اٹلی کے فوگننی اور سمون بولیلی کی غیر ترجیحی جوڑی سے 6۔2 ۔4۔6۔ 1۔6 سے شکست کھانی پڑی۔
یک اور ہندوستانی کھلاڑی روہن بوپنا کو بھی اپنے جوڑی دارکناڈا کے ڈینیل نیسٹر کے ساتھ دوسرے راؤنڈ میں شکست کا سامنا کرنا پڑا۔ بوپنا اور نیسٹر کی ساتویں سیڈ جوڑی کو اسپین کے فلیسیانو لوپیز اور بیلروس کے میکس مرنک کے ہاتھوں 7۔5۔ 6۔3 سے شکست کا سامنا کرنا پڑا۔صرف 73 منٹ میں غیر ترجیحی جوڑی نے بوپنا اور نیسٹر کومقابلے سے باہر کر دیا۔ہندکناڈیائی جوڑی نے میچ میں کل تین ڈبل فالٹ اور 10 بے جا بھولیں کی جبکہ لوپیز اور مرنک نے 33 ونرس لگائے اور کل 69 پوائنٹس کماکر جیت درج کی۔اس سے پہلے خواتین ڈبلز میں کیریئر کی بہترین پانچویں رینک پرپہنچی ثانیہ اور ان کی جوری دارنے میچ میں کل تین ڈبل فالٹ ریٹویٹ جبکہ دو ایس لگائے۔ انہوں نے 29 ونرس لگائے اور 18 بے جا بھولیں کی۔ اگرچہ اپوزیشن جوڑی نے 23 بے جا بھولیں کی لیکن 45 ونرس لگائے۔ زبردست فارم میں چل رہی ہندوستانی کھلاڑی نے اپنی جوڑی دار کیساتھ پہلا راؤنڈ جیت کر مضبوطی سے دوسرے دور میں قدم رکھا تھا لیکن انہیں غیر ترجیحی جوڑی کے سامنے اس بار کافی جدوجہد کرنا پڑا اور پہلا سیٹ ٹائی بریک میں 58 منٹ کے جدوجہد کے بعد انہوں نے 5 ۔ 7 سے وہ گنوا بیٹھی جبکہ دوسرے سیٹ میں سانکاویک کی جوڑی 45 منٹ میں ہی شکست کھا بیٹھی۔
پیس اور کلاسین کی جوڑی کو غیر ترجیحی اطالوی کھلاڑیوں نے 87 منٹ میں تین سیٹوں میں میچ سے باہر کر دیا۔ اگرچہ جوڑی نے اچھی شروعات کر پہلا سیٹ صرف 25 منٹ میں 6۔2 سے جیتا تھا۔ لیکن دوسرے سیٹ میں انہوں نے 12 بے جا بھولیں کی کل 27 پوائنٹس ہی لے پائے جبکہ مخالف ٹیم کو 33 پوائنٹس ملے۔ تیسرے سیٹ میں تو پیس اور کلاسین مکمل طور پٹری سے اتر گئے اور محض نو ونرس لگائے جبکہ سات بے جا بھولیں کی۔ہندوستانی تجربہ کار کھلاڑی مہیش بھوپتی اور ان کے جوڑی دار جرگین میلجر ڈبلز کے پہلے ہی دور میں ہار کر باہر ہو چکے ہیں۔
