لکھنؤ(نامہ نگار)وبھوتی کھنڈ علاقے میں موٹر سائیکل سوار دو نوجوانوں کو تیز رفتار بے قابو ٹرک نے ٹکر ماردی۔ جس سے ایک کی موقع پر ہی موت ہوگئی۔ جب کہ دوسرا نوجوان بری طرح زخمی ہوگیا آس پاس کے لوگوں نے حادثے کی اطلاع پولیس کو دی ۔ موقع پر پہنچی پولیس نے لاش کو قبضے میں لیکر پوسٹ مارٹیم کیلئے بھیج دیا اور اس لے ساتھی کو اسپتال میں داخل کرایا دوسری جانب مڑیاؤں میں ایک ٹرک نے خاتون اور اس کے ساتھ جارہے نوجوان کو ٹکر ماردی ہے جس میں نوجوان کی موت ہوگئی ہے جب کہ خاتون کو لوگوں نے علاج کیلئے اسپتال میں داخل کرایا ۔
موصولہ اطلاع کے مطابق شہید پتھ واقع روہتاس اپارٹمنٹ کے سامنے جمعہ کو تیز رفتار بے قابو ٹرک یوپی ۷۷؍ ڈی این ۷۷۶۱؍نے موٹر سائیکل یوپی ۳۲ ایف ایس ۱۱۵۷؍سے جارہے دونوں جوانوں کو ٹکر ماردی۔ موٹر سائیکل پر ٹکر لگتے ہی دونوں دور جاگرے۔ جس میں ایک نوجوان کی موقع پر ہی موت ہوگئی جب کہ دوسرا شدید طور پر زخمی ہوگیا۔آس پاس کے لوگوں نے اس حادثہ کی اطلاع پولیس کودی پولیس نے موقع پر پہنچ کر زخمی کو اسپتال بھیجا اور لاش کو قبضہ میں لے کر پوسٹ مارٹم کیلئے بھیج دیا۔ پولیس کا کہنا ہے متوفی کی شناخت نہیں ہوپائی ہے لیکن اس کی موٹر سائیکل سے ایک کاغذ ملا ہے جس میں برجیش کمار مشرا ساکن ایل ڈیکو کالونی رائے بریلی روڈ پی جی آئی لکھاہے۔ وہیں دوسری جانب مڑیاؤں کے سیوا اسپتال کے سامنے ننھے(۳۰)ساکن جھونپڑ پٹی گومتی نگر کلاوتی ساکن بارہ بنکی کے ساتھ کہیں جارہا تھا۔ تبھی اسے سڑک کے کنارے پیدل چلتے وقت دونوں کو ٹرک نے ٹکر ماردیا جس میں ننھے کی موت ہوگئی۔ جب کہ کلاوتی زخمی ہوگئی جسے اسپتال میں داخل کرایا گیاہے۔
