اپنی پچھلی حالیہ ریلیز فلم حیدر میں شاہد کپور نے یہ تو ثابت کر ہی دیا کہ وہ اپنے رول کو بہتر طریقے سے انجام دینے کا ہنر جانتے ہیں۔ ایسا کیوں نہ ہو وہ جو ٹھہرے پنکج کپور کے بیٹے۔ شاہد کپور کے اسی ہنر کو دیکھتے ہوئے فلم ڈیڑھ عشقیہ بنانے والے ابھیشیک چوبے نے اپنی اگلی فلم اڑتاپنجاب میں شاہد کپور کو لیا ہے۔ اس فلم میں بھی شاہد کپور ایک نئے لک میں نظر آئیں گے۔ فلم حیدر میں جہاں وہ گنجے ہو گئے تھے وہیں اس فلم میں وہ بالکل دبلے پتلے نظر آئیں گے۔ مانا جا رہا ہے کہ شاہد کپور کے ساتھ کرینہ کپور بھی ایک اہم رول میں ہوں گی۔ لیکن فلمی ماہرین کا خیال ہے کہ شاہد کپور کے ساتھ کرینہ کی جوڑی سے فلم کو کوئی کامیابی نہیں ملی ہے۔ اس لئے یہ فلم کامیاب ہوگی کے آگے سوالیہ نشان لگ گیا ہے۔
کرینہ کپور شاہد کے دل کی دھڑکن کبھی ہوا کرتی تھیں لیکن بعد میں دونوں کے درمیان ان بن ہو گئی اور دونوں ایک دوسرے سے الگ ہو گئے۔ اب ایک بار پھر دو دل کے پاس آ رہے ہیں۔ لیکن اس کا فائدہ فلم کو مل پائے گا دیکھنا دلچسپ ہوگا۔ کیونکہ ابھی تک یہی دیکھا گیا ہے کہ جب ایک دوسرے کی محبت میں ڈوبے ہوئے تھے تو ان کی فلمیں باکس آفس پر پٹتی رہیں مگر آخری فلم ’جب وی میٹ‘ کی شوٹنگ کے بعد جب یہ دونوں ایک دوسرے سے الگ ہوئے تو فلم ہٹ ہو گئی ۔ کیا اڑتاپنجاب شاہد کپور اور کرینہ کپور کے درمیان بنی روایت کو توڑ پائے گی یہی دیکھنا باقی ہے۔
