ووٹرشناختی کارڈ بنوانے کیلئے کیمپ کاانعقاد

بارہ بنکی (نامہ نگار)قومی خدمات اسکول کی چاراکائیوں کے رضا کاروں  نے جواہر لعل نہرو یادگا ر ڈگری کالج میں نئے ووٹر شناختی کارڈ بنوانے کیلئے کیمپ لگایا۔ کیمپ میں ان طلباء وطالبات کوشناختی کارڈ بنوانے کیلئے فارم دیے گئے جن کے شناختی کارڈ ابھی تک نہیں بن سکے تھے۔ کیمپ میں ۲۴۵طلباء وطالبات نے اپنا رجسٹریشن کرایا ۔ کیمپ کاافتتاح ڈگری کالج کے پرنسپل ڈاکٹر رام شنکر نے کیا۔ اس موقع پرپروگرام افسرڈاکٹرانیتاسنگھ، ڈاکٹر وجے پرتاپ مل، ڈاکٹرشاردل وکرم سنگھ ،اور ڈاکٹر وسے ورماموجود تھے ۔طلباء وطالبات کی حوصلہ افزائی کرنے کیلئے ڈگری کالج میں نکڑ ڈرامے کااہتمام کیاگیا۔ اس موقع پرڈگری کالج کے اساتذہ ڈاکٹرانل کمارشریواستو،ڈاکٹر راجیش مل ، ڈاکٹرانل کماروشوکر ما، ڈاکٹر کرشن کانت چندرا، ڈاکٹر امت جیسوال ، ڈاکٹر سنتوش کمارگوڑ، اور ڈاکٹرعزیز رضاوغیرہ
موجود تھے۔