عرفان کا سامنا کرنا بلے بازوں کیلئے چیلنج: ڈراوڑ

ممبئی۔ انڈین کرکٹ ٹیم کے سابق کپتان راہل ڈراوڑ نے کہا ہے کہ پاکستانی فاسٹ باؤلر محمد عرفان کا سامنا کرنا ہندوستانی بلے بازوں کے لیے چیلنج ہو گا۔ ایک انٹرویو میں ڈریوڈ نے اتوار کو ہندوستان اور پاکستان کے درمیان ہونے والے مقابلے میں انڈین ٹیم کو فیورٹ قرار دیا تاہم ان کا کہنا تھا کہ پاکستانی ٹیم خطرناک ثابت ہو سکتی ہے۔ انہوں نے وضاحت کرتے ہوئے کہا کہ ہندوستانی ٹیم گزشتہ کئی ماہ سے آسٹریلیا میں ہے اس وجہ سے انہیں پاکستان پر سبقت حاصل جو حال ہی میں یہاں پہنچی ہے ۔ ان کا کہنا تھا کہ پاکستانی نوجوانوں پر مشتمل ہے اور زیادہ تر کھلاڑیوں کو آسٹریلیا میں کھیلنے کا تجربہ نہیں۔ راہول ڈریوڈ نے کہا کہ ہندوستان کی بیٹنگ پاکستان سے بہت بہتر تاہم باؤلنگ میں پاکستان کو سبقت حاصل ہے۔ سابق ٹیسٹ کپتان کا کہنا تھا کہ ہندوستان کی جانب سے اہم کھلاڑی کوہلی ثابت ہو سکتے ہیں، جنہوں نے آسٹریلیا میں شاندار کارکردگی کا مظاہر کیا ہے۔ انہوں نے کہا کہ دباؤ کو بہتر انداز میں برداشت کرنے والی ٹیم ہی ہندوستان پاکستان
مقابلے میں کامیاب رہے گی۔