گورکھپور(نامہ نگار) ضلع گورکھپور کے شاہپورا علاقہ میں نوجوان نے شاپنگ کمپلکس کی تیسری منزل سے کود کر کودکشی کرلی۔پولیس نے آج بتایا کہ شاہپور تھانہ کے نزدیک رادھیکا شاپنگ کمپلکس سے امرناتھ (۲۸) نے کل شام اپنے بھائی کو فون کرکے خودکشی کرنے کے ارادے کے بارے میں بتانے کے بعد تیسری منزل سے چھلانگ لگا دی۔واقعہ کے بعد موقع پر پہنچے چھوٹے بھائی نے دیگر لوگوں کی مدد سے نوجوان کو بابا راگھو داس میڈیکل کالج اسپتال پہنچایا جہاں علاج کے دوران اس کی موت ہوگئی۔ریلوے سے جونیرر انجینئر کے طورپر سبکدوش رگھوناتھ کا بیٹا امرناتھ نوئیڈا میںملازم تھا۔
رشتہ دار اس کے خودکشی کرنے کی وجہ بتانے سے قاصر ہیں۔ پولیس معاملے کی تفتیش کررہی ہے ۔
