کرکٹ شائقین دل چھوٹا نہ کریں: عمران خان

لاہور۔ پاکستان تحریک انصاف کے سربراہ اور سابق ٹیسٹ کپتان عمران خان نے ٹوئٹر پر اپنے پیغام میں ہندوستان کیخلاف شکست پر کہا ہے کہ شائقین دل چھوٹا نہ کریں۔ ایڈیلیڈ میں کھیلے گئے میچ میں گرین شرٹس کو 76 رنز سے شکست کا سامنا کرنا پڑا۔ اس طرح ہندوستان ورلڈ کپ مقابلوں میں پاکستان کیخلاف بے داغ ریکارڈ برقرار رکھنے میں کامیاب رہا۔ یہ پاکستان کی ہندوستان کے ہاتھوں عالمی کپ میں چھٹی شکست ت
ھی۔ عمران خان کا کہنا تھا کہ اگر کارکردگی کا درست انداز میں تجزیہ کیا جائے تو شکست بھی کارآمد ثابت ہو سکتی ہے۔ عمران خان کا کہنا تھا کہ ہندوستان کے خلاف میچ میں پاکستان کی جانب سے اچھا ٹیلنٹ دیکھنے میں آیا تاہم بہتر حکمت عملی کی ضرورت تھی۔وہیںپاکستان کرکٹ ٹیم کے کپتان مصباح الحق کا کہنا ہے کہ ہار کو بھلا کر ورلڈ کپ میں آگے بڑھنا ہوگا۔ ہندوستان سے شکست کے بعد انہوں کہا کہ مجھے نہیں پتہ کیا ہوا، میچ ختم ہوچکا ہے اور ہمیں اب اگلے میچ پر توجہ مرکوز کرنی ہے۔ ہندوستانی کپتان دھونی نے کہا کہ پاکستان بہترین ٹیم ہے جسے ہرانا کبھی بھی آسان ثابت نہیں ہوتا۔ پاکستان کے خلاف ورلڈ کپ مقابلوں میں چھٹی فتح پر فخر ہے۔