اترپردیش میں سوائن فلو کا قہر بدستور جاری

لکھنؤ،20فروری(یو این آئی) اترپردیش میں سوائن فلو سے متاثرمریضوں کی تعداد میں ر
وز بروز اضافہ ہو رہا ہے ۔اس کی زد میں مزید ایک سینئر افسر کے آنے کی اطلاع ملی ہے ۔ سوائن فلو کے 24نئے مریضوں میں ایچ ون ایچ ون وائرس کی تصدیق ہونے سے اس کے مریضوں کی تعداد165ہو گئی ہے ۔غازی آباد کے ڈسٹرکٹ مجسٹریٹ ومل کمار شرما اور اناؤ کے پولیس سپرنٹنڈینٹ ایم پی شرما کی بیوی کو ایچ ون این وائرس سے متاثر ہونے پر اسپتال میں داخل کیا گیا ہے جبکہ شاہجہاں پور کی ڈسٹرکٹ مجسٹریٹ محترمہ شربھا سکسینہ کی جانچ بھی مثبت پائے جانے پر انھیں اپولو اسپتال نئی دہلی میں داخل کرایا گیا ہے ۔راجدھانی لکھنؤ کے ٹکیت گنج پولیس چوکی انچارج سب انسپکٹر دیپک سنگھ کو کنگ جارج میڈیکل کالج میں داخل کرایا گیا ہے ۔۔