صدر جمہوریہ اور وزیراعظم کی ٹیم انڈ یا کو مبارکباد

نئی دہلی۔ 6مارچ (یو این آئی) صدر جمہوریہ پرنب مکھرجی اور وزیراعظم نریندر مودی نے عالمی کپ ٹورنامنٹ میں ویسٹ انڈیز کو شکست دینے پر ٹیم انڈیا کو مبارکباد دی ہے ۔
صدر نے ٹوئٹر پر کہا کہ ویسٹ انڈیز کے خلاف جیت حاصل کرنے پر ہندوستانی ٹیم کومبارکباد اور باقی میچوں کے لئے نیک تمنائیں ۔
وزیراعظم نریندر مودی نے بھی جیت حاصل کرنے پرٹوئٹر پر کہاکہ ٹیم انڈیا کو ویسٹ انڈیز کو شکست دینے پر مبارکباد۔ ایسا لگتا ہے کہ نیلی جرسی والی ٹیم کے لئے یہ بہت بڑاٹورنامنٹ ہوگا۔
کھیلوں کے مرکزی وزیر سربدانند سونیوال نے اپنے پیغام میں کہاکہ ہندوستانی ٹیم نے ویسٹ انڈیز کو ہراکر ثابت کردیا ہے کہ وہ اس بڑے ٹورنامنٹ میں اپنی کارکردگی میں مسلسل بہتری لارہی ہے اور عالمی کپ کی مضبوط دعویدار ہے ۔