’سلطان‘ میں باکسر کے رول میں ہوں گے سلمان خان

ممبئی۔ سپر اسٹار سلمان خان آج کل اپنی آنیوالی فلموں ’ پریم رتن دھن پایو
اور بجرنگی ،بھائی جان‘ کی شوٹنگ میں مصروف ہیں۔ ان فلموں کے مکمل ہو جانے کے بعد وہ ‘سلطان’ کی شوٹنگ کریں گے۔ خبر ہے کہ سلمان خان ‘سلطان’ میں ایک باکسر کا کردار ادا کرنے والے ہے ۔’سلطان ‘کے ہدایتکار علی عباس ظفر ہے۔ یہ اسپورٹس پر مبنی فلم ہے۔ یہ پہلی بار ہوگا کہ سلمان کسی ’اسپورٹس تھیم‘ پر مبنی فلم میں کام کریں گے۔’سلطان’ میں سلمان۴۰سال کے ایک باکسر کا کردار ادا کریں گے۔ واضح ہے کہ اس رول کے لئے سلمان ایک باکسر کی طرح نظر آنے پر زور دیں گے۔ سلمان کے فٹنس کی تو پوری دنیا دیوانی ہے لیکن اب ان کے مداحوں کو اس بات کا انتظار ہے کہ ایک باکسر کے رول میں کیسا دکھائی دیں گے اور ان کی باڈی کس شیپ میں ہوگی جلد ہی سلمان ایک باکسر کی فٹنس لیول حاصل کرنے کے لئے، ایکسپرٹ ٹرینر کے ساتھ زبردست تیاریوں میں جٹ جائیں گے۔ لیکن ’ پریم رتن دھن پایو’ اور ‘بجرنگی بھائی جان’ کے ساتھ ساتھ شوٹنگ چلنے کی وجہ سے انہیں تربیت کے لیے وقت نکالنے میں خاصی پریشانی ہوگی۔