تاج محل کے اوپر گلا ئیڈ ر اڑانے سے انتظامیہ میں کھلبلی

آگرہ،17مارچ (یو این آئی) دنیا کے سات عجوبوں میں شامل تاج محل کے اوپر سے آج گلائیڈر اڑانے کی وجہ سے انتظامیہ میں کھلبلی مچ گئی۔تاج محل کی سیکورٹی پر تعینات سنٹرل انڈسٹریل سیکورٹی فورس( سی آئی ایس ایف) نے اس کی اطلاع پولیس کو دی۔سی آئی ایس ایف کی تحریر پر تاج محل پولیس چھان بین میں مصروف ہوگئی ہے ۔ ابھی تک یہ معلوم نہیں ہوسکا ہے
کہ گلائیڈر کس ادارے کا تھا اور اسے کون اڑا رہا تھا۔واضح رہے کہ تاج محل اور اس کے آس پاس کا علاقہ ‘نوفلائی زون ’میں آتا ہے اس لئے یہاں کسی بھی طرح کے پرواز ممنوع ہے ۔