شاہ رخ، ورون، کاجول، کیرتی ’’چلتی کا نام گاڑی‘‘ ری میک میں

ممبئی۔سوپر ہٹ فلم چینائی ایکسپریس کے بعد بالی ووڈ سوپر اسٹار شاہ رخ خان کے ساتھ ڈائرکٹر روہت شیٹی اپنی نئی فلم اشوک کمار ، کشور کمار، انوپ کمار کی فلم ’’چلتی کا نام گاڑی‘‘ کا ری میک شروع کرنے والے ہیں۔ اس فلم کی کاغذی کارروائی مکمل کرلی گئی ہے۔ فلم کے اہم کرداروں کے لئے اب تک شاہ رخ خان، ورون دھون، کاجول، کیرتی سینن کو سائن کرلیا ہے۔ فلم میں شاہ رخ خان اشوک کمار کا رول ک
رتے نظر آئیں گے۔ کہا جارہا ہے کہ روہت اپنی اس فلم کو اسی ماہ سے شروع کرنے والے ہیں اور وہ اسے کرسمس کے موقع پر ریلیز کرنا چاہتے ہیں۔ یہاں اس بات کا تذکرہ ضروری ہوگا کہ روہت شیٹی شاہ رخ خان کے ساتھ امیتابھ بچن اور کمی کاٹکر اسٹار فلم ’’ہم‘‘ کا ری میک بھی بنانا چاہتے ہیں۔