کٹرینہ اپنے مومی مجسمے کی نقاب کشائی کیلئے بے تاب

ممبئی: بالی ووڈ اداکارہ کٹرینہ کیف اپنے مومی مجسمے کی نقاب کشائی کرنے کے لیے بے صبری سے منتظر ہیں۔بھارتی میڈیا کے مطابق کٹرینہ کیف ۲۷مارچ کو لندن کے مادام تساؤ عجائب گھر میں رکھے گئے اپنے مومی مجسمے کی نقاب کشائی کریں گی جس کے لیے بالی ووڈ کی باربی ڈول انتہائی بے صبری اور جذباتی نظر آتی ہیں جب کہ ان کا کہنا تھا کہ انہوں نے جب خبرسنی توان کی خوشی کی انتہا نہ رہی اور وہ تب سے اس دن کا شدت سے انتظار کررہی ہیں جس دن وہ اپنے مومی مجسمے کی نقاب کشائی کریں گی کیونکہ یہ مجسمہ ان کے لیے باعث فخر ہے۔واضح رہے کہ
اس سے قبل بالی وڈ شخصیات امیتابھ بچن ، شاہ رخ خان ، ریتک روشن ، ایشوریہ رائے بچن ، کرینہ کپور اور کرکٹر سچن ٹنڈولکر کے مومی مجسمے اس عجائب گھر کی زینت بن چکے ہیں۔