آسٹریلیا ئی میڈ یا نے عالمی چمپئن ٹیم کی تعریف کی

 میلبورن۔ آسٹریلیا نے نیوزی لینڈ کو شکست دے کر اپنی سر زمین پر عالمی کپ جیتنے والی ٹیم اور خطاب کے ساتھ ون ڈے کرکٹ سے رخصت لینے والے کپتان مائیکل کلارک کی جم کر تعریف کی ہے۔ملک بھر کے اخبارات نے پہلے صفحے پر ٹیم کی جیت کی خبر کو چھاپا ہے۔دی آسٹریلین اخبار نے کہاآسٹریلیا نے پانچواں ورلڈ کپ جیتنے کا خواب پورا کیا۔اخبار نے لکھافائنل میں فتح کیلئے نہ تو پسینہ بہانا پڑا اور نہ ہی کسی کی دل کی دھڑکنیں تھمیں۔ مائیکل کلارک کی ٹیم نے ایم سی جی پر نیوزی لینڈ کو آسانی سے شکست دی جس طرح سیمی فائنل میں ہندوستان کو اور کوارٹر فائ
نل میں پاکستان کو شکست دی تھی۔سڈنی ڈیلی ٹیلیگراف نے کلارک کی الوداعی پر فوکس کیا جنہوں نے خطاب جیتنے کے بعد ون ڈے کرکٹ کو الوداع کہہ دیا۔اس نے پہلے صفحے پر لکھاپپ کی پریکتھاجیسی الوداعی۔ آسٹریلیا عالمی چمپئن بنا۔اس نے آگے لکھاخطاب جیت کر کلارک کو اپنے ون ڈے کیریئر کا ختم کرنے کا موقع ملا۔ نومبر میں یہ ناممکن لگ رہا تھا جب ہیمسٹرنگ چوٹ نے اسے پھر دھوکہ دیا اور ورلڈ کپ فاتح ٹیم کی کپتانی کا کوئی امکان نہیں لگ رہاتھا۔کلارک نے یہ جیت اپنے آنجہانی ساتھی کھلاڑی فلپ ہیوزکو وقف کی۔کرکٹ مصنف رچرڈ ہائڈنس نے کہاکوئی کامیابی ہیوز کی المناک موت کی دردناک یادوں کو مٹا نہیں سکتی۔ اتنے درد کو جھیلنے کے باوجود ملی یہ جیت آسٹریلیا کے تجربہ، قابلیت اور صبر کی مثال دیتی ہے۔اخبار نے کہا کہ ٹیم تبدیلی کے دور سے گزر رہی ہے لیکن اسٹیو اسمتھ کے طور پر اس کے پاس قابل کپتان ہوگا۔ میڈیانے لکھاآسٹریلوی کرکٹ کی نسل کے نمائندے کلارک اور اسمتھ ٹیم کو پانچویں عالمی خطاب تک لے گئے۔