آسٹریلیاوچین کے خلا ف کھیلنے کیلئے بیتاب ہیں:دیپکا

 نئی دہلی۔ہاکیس بے کپ ہاکی ٹورنامنٹ کی تیاری میں لگی ہندوستانی خاتون ہاکی ٹیم کی نائب کپتان دیپکا نے آج کہا کہ انہیں 11 سے 19 اپریل تک ہونے والے ٹورنامنٹ میں ٹاپ درجہ بندی والی آسٹریلیا اور چین کی ٹیم سے مقابلہ کا انتظار ہے۔دیپکا نے کہامجھے آئندہ چیلنج کا بیتابی سے انتظار ہے۔ خاص کر چین اور آسٹر یلیا سے ہونے والے میچ کا۔ وہ مشکل حریف ہے لیکن یہ دلچسپ چیلنج ہوگا۔ اپنے سے مضبوط ٹیموں کے خلاف کھیلنے سے اضافی ک
وششوں کی ترغیب ملتی ہے۔اس نے کہاہمارا ڈیفنس مضبوط ہے اور ہم انہیں اس میں نقب لگانے نہیں دیں گے ۔ ہندوستانکے علاوہ ٹورنامنٹ میں چین، ارجنٹائن، آسٹریلیا، جاپان، کوریا، امریکہ اور نیوزی لینڈ کھیل رہے ہیں۔ ہندوستان کو 11 اپریل کو پہلے میچ میں چین سے کھیلنا ہے۔