رنبیر پاکستانی اداکارہ ماورا سے ملنے کو بے تاب

ممبئی: پاکستانی اداکارہ ماورا حسین جو کہ وی جے اور ماڈل کی حیثیت سے جانی جاتی ہیں، بھارتی فلمسٹار رنبیر کپور کی بہت بڑی پرستار ہیں۔ ماورا کے بقول ان کی پسندیدگی کو سراہتے ہوئے بھارتی فلمسٹار رنبیر کپور نے ان کو ایک ویڈیو پیغام بھیجا جس میں رنبیر کپور کا کہنا تھا ”ہیلو ماورا ! آپ بہت خوبصورت اور ایک بہت اچھی اداکا رہ ہیں، امید ہے کہ ہم جلد ہی ملیں گے۔ اور صرف یہی نہیں رنبیر نے انھیں فلائنگ کِس (ہوائی بوسہ) بھی بھجوایا ہے۔ جبکہ ماورا کا بھی کہنا ہے کہ وہ بھی انھیں (رنبیر کو) بہت جلد دیکھنے کے لیے پر امید ہیں۔ اور کچھ بعید نہیں کہ اگر ماہرہ خان بولی وڈ کنگ شاہ رخ خان کے مد مقابل کوئی فلم سائن کرسکتی ہیں تو ماورا بھی رنبیر کپور کے مدمقابل کسی فلم میں جلوہ گر ہو سکتی ہیں۔ ماورا نے رنبیر کی یہ ویڈیو اپنے انسٹا گرام کے اکاؤنٹ پر بھی اپ لوڈ کی اور جوابا کہا کہ میں بھی آپ سے جلد ہی ملنا چاہتی ہوں۔ ماورا ڈرامہ سیریلز میں بھی اپنے کرداروں کے لیے مشہور رہی ہیں اور پسند کی جاتی رہی ہیں۔ یاد رہے کہ ماورا ابھی بھارت میں موجود ہیں اور بھارت میں اپنے قیام کے دوران انسٹا گرام پر اپنی تصاویر بھی اپ لوڈ کر رہی ہیں۔ تاکہ ان کے پرستار ان سے باخبر رہ
سکیں کہ وہ کہاں ہیں اور کیا کر رہی ہیں۔ یہ بھی کہا جا رہا ہے کہ وہ جلد ہی بھارتی فلم سائن کرنے والی ہیں، اب دیکھنا یہ ہے کہ کیا رنبیر کپور اپنی فلم انکے ساتھ سائن کریں گے۔