سریش رینا شادی کے بندھن میں بند ھے

نئی دہلی۔ ہندوستانی کرکٹر سریش رینا دلہن بیاہ لائے۔ سریش رینا کی شادی اپنے بچپن کی دوست پرینکا سے ہوئی ہے جو ان کی فیملی فرینڈ بھی ہیں۔ شادی کی تقریب میں صرف قریبی عزیزوں کو دعوت دی گئی۔ جس میں بڑی بڑی شخصیات شریک ہوئیں۔ ہندوستانی کرکٹر نے وزیر اعظم نریندر مودی کو بھی دعوت دی تھی تقریب میں ہندوستانی ٹیم کے نائب کپتان وراٹ کوہلی بھی شریک ہوئے۔ ان کے علاوہ ویسٹ انڈین کرکٹر ڈوائن براوو بھی تقریب کا حصہ بنے۔ سریش رینا انڈین پریمیئر لیگ میں چنئی سپر کنگز کا حصہ ہیں اور ڈوائن براوو بھی آئی پی ایل کھیلنے کیلئے ہندوستان میں موجود ہیں اور چ
نئی کی ٹیم میں شامل ہیں۔شادی کی تقریب جمعے کی شب مقامی فائیو اسٹارہوٹل میں ہوئی، اس میں کپتان مہندرا سنگھ دھونی اور اہلیہ ساکشی، آ ئی سی سی کے چیئرمین این سری نواسن، وریندر سہواگ اور کوچ اسٹیفن فلیمنگ بھی شریک ہوئے، ہندوستانی ٹیم کے نائب کپتان وراٹ کوہلی اور گرل فرینڈ انوشکا شرما بھی توجہ کا مرکز بنے رہے۔