مین پوری : اتر پردیش میں مین پوری کے شہر کوتوالی علاقے میں دیر رات ہوئے سڑک حادثے میں چار افراد کی موت ہو گئی اور سات زخمی ہو گئے ۔پولیس کے ترجمان کے مطابق کوتوالی علاقے میں بھوگاؤں روڈ پر کیڈري گاؤں کے پاس بے قابو وین گیس ٹینکر کے پچھلے حصے سے ٹکرا گئی۔ حادثہ اتنا شدید تھا کہ چار لوگوں کی موقع پر ہی موت ہو گئی اور سات زخمی ہو گئے ۔
زخمیوں کو اسپتال میں داخل کرا دیا گیا ہے جس میں دو کی حالت نازک ہے ۔ مکھن پور کے رہنے والے یہ لوگ لگن کی تقریب سے شکوہ آباد گئے تھے اور رات تقریباً دو بجے واپس لوٹ رہے تھے کہ اسی وقت یہ حادثہ ہو گیا۔
