لکھنؤ:ناجائز شراب فروخت کرنے والے پانچ ملزمین کو پولیس نے گرفتار کیاہے ۔ جن کے پاس سے ساٹھ لیٹر شراب برآمد ہوئی ہے۔ پولیس نے ملزمین کو جیل بھیج دیا۔بنتھرا پولیس نے بتایا کہ گشت کے دوران لونہا ، بنتھرا کے رہنے والے رام کمار اور سنتوش کو ریلوے کراسنگ کے نزدیک سے پکڑا ہے۔ ان کے پاس سے تیس لیٹر خام شراب برآمد ہوئی ہے۔
دوسری جانب وبھوتی کھنڈ پولیس نے جھونپری میں رہنے والے اشوک کمار یادو کو ایل پی ایس چوراہا سے گرفتار کیا۔ جن کے پاس سے دس لیٹر نقلی شراب برآمد ہوئی ہے۔ وہیں نگوہاں پولیس نے بھدی کھیڑا کے رہنے والے گوتم اور گڑیان کھیڑا کے رہنے والے مہیش کو پکڑا ہے۔ ان کے پاس سے بیس لیٹر نقلی شراب برآمد ہوئی ہے۔
