پولیس نے تین ملزمین کو کیا گرفتار،لڑکی کا طبی معائنہ

بریلی :بی کام کی ایک طالبہ سے تین لڑکوں نے کولڈڈرنک میں نشیلی اشیاء پلا کر اجتماعی عصمت دری کی ۔واردات کی شکایت درج ہونے پر پولیس نے تینوں لڑکوں کو گرفتار کرلیاہے ۔ طالبہ کاضلع اسپتال میں ڈاکٹری معائنہ کرایاگیا۔ کوتوالی تھانہ حلقہ کے باسمنڈی کی رہنے والی بریلی کالج میں بی کام کی ایک طالبہ سے اجتماعی عصمت دری کرنے کے الزام میں شیوم ،سچن اور شیوم کو پولیس نے آج بی کام کی طالبہ سے اجتماعی عصمت دری کے الزام میں گرفتار کیاہے ۔ طالبہ نے بتایاوہ عالم گیری گنج کے شیوم سے پہلے ہی واقف تھی وہ اس کے بھائی کے دوست ہے ،۔کل دوپہر وہ یومیہ کی طرح کوچنگ جانے کے لئے گھر سے نکلی تھی لیکن راستے میں اسے شیوم ملا اور آریہ سماج گلی میں واقع ایک ہوٹل میں ناشتہ کرانے کے بہانے اپنے ساتھ لے گیا جہاں ان کے دودوست بھی آگئے ۔ سبھی نے مل کر کولڈڈرنک پی لیکن چالاکی سے اس کی کولڈڈرنک میں نشیلی شے ملادی جس سے وہ ہوٹل میں ہی نشے میں ہوگئی اس کا فائدہ اٹھاکر تینوں لڑکوںنے اس کی عصمت دری کی اور ویڈیو کلپ بھی بنالی ۔ کچھ دیر بعد اسے ہوش آیا تو تینوں لڑکے وہاں سے بھاگ چکے تھے ۔اس نے پوری اطلاع پولیس کودی اور کارروائی کا مطالبہ کیا ۔پولیس نے تینوں ملزمین کو گرفتار کرلیا ۔