لکھنؤ ۔بارہ بنکی کے درمیان سٹی بسیں چلنے سے مسافر خوش

بارہ بنکی:لکھنؤسے بارہ بنکی کیلئے ٹرانسپورٹ کارپوریشن کی سٹی بسیں چل جانے سے مسافروں میں خوشی کی لہر پائی جارہی ہے ۔ اور وہ ان خدمات کا فائدہ اٹھارہے ہیں ۔ شروعاتی دور میں لکھنؤ چارباغ سے چلنے والی سٹی بس نمبر ۲۱کے بارہ بنکی تک اپ اور ڈاؤن کے دس چکر لگوائے جارہے ہیں ۔ صبح ۶بجے سے بارہ بنکی کیلئے چار باغ سے بارہ بنکی کے لئے چلنے والی بسوں کی آخری خدمات بارہ بنکی سے رات ۰۱بجے تک ملتی ہیں ۔ چار باغ سے بارہ بنکی تک کا کرایہ ۰۳روپئے طے کیا گیاہے ۔ جب کہ پالیٹکنک سے بارہ بنکی کا کرایہ ۰۲روپئے ہے ۔ لکھنؤ سے بارہ بنکی کے درمیان سٹی بسیں چلائے جانے سے بارہ بنکی کو اب راجدھانی کا ایک محلہ بننے میں دیر نہیں ہے ۔ واضح ہوکہ گزشتہ دنوں سٹی بسوں کو لکھنؤ سے سفید آباد تک چلایاگیا تھا۔ اس کے اچھے نتائج نہ ملنے کے سبب بارہ بنکی تک توسیع کردینے سے جہاں کارپوریشن کی آمدنی میں اضافہ ہوگیاہے وہیں عوام کو بہتر سہولیات مل رہی ہیں۔ ضلع انتظامیہ اگر بائی پاس سے کرولی ہوکر سٹی بسوں کی آمد رفت کرادے تو مسافروں کو سفید آباد ریلوے کراسنگ میں لگنے والا وقت بچ جائے گا ۔