لکھنؤ:حضرت گنج کے ساہو سنیما ہال کے نزدیک بنے ہنومان مندر میں ایس ایس پی یشسوی یادو درشن کرنے کیلئے پہنچے تو وہ نوپارکنگ میں کھڑی ایک نیلی بتی لگی کار دیکھ کر بھڑک اٹھے۔ بتایا جاتا ہے کہ منگل کی شام ایس ایس پی یشسوی یادو جب ساہو سنیما کے برابر میں ہنومان مندر میںدرشن کیلئے گئے۔ جس وقت وہ درشن کیلئے گئے اسی وقت وہاں پر ایک نیلی بتی لگی کارکھڑی تھی۔ نوپارکنگ میں کھڑی دیکھ کر ایس ایس پی کا پارہ ساتویں آسمان پر پہنچ گیا۔ انہوں نے پہلے مندر میں درشن کیا اس کے بعد وہ وہاں سے چلے گئے۔وہیں ذرائع بتاتے ہیں کہ اس نو پارکنگ میں سرراہ کھڑی کار کی بات کو سنجیدگی سے لیتے ہوئے ایس ایس پی نے مندر کے پاس ڈیوٹی پر تعینات دو داروغہ کے این تیواری اور پریم چندر کو فوراً ہی معطل کر دیا۔
