گاڑی چوری کرنے والا گروہ پولیس حراست میں

کانپور(نامہ نگار)چیکنگ کے دوران پولیس نے گاڑی چورے کرنے والے گروہ کو گرفتارکرنے میںکامیابی حاصل کی ہے ۔گروہ کے لوگوں پر کانپور کے علاوہ اوریہ و اٹاوہ سے گاڑیاں چوری کرنے کاالزام ہے ۔پولیس نے مخبر کی اطلاع ملنے کے بعد گاڑیوں کی چیکنگ کی تھی ۔گروہ کے لوگوں کے قبضے سے پولیس نے چوری کی تین موٹر سائیکلیں برآمد کرنے کا دعویٰ کیاہے  ۔ مذکورہ اطلاع ایس پی مغرب راجیش ایس نے پولیس لائن میں منعقد پریس کانفرنس کو دی ۔انہوں نے بتایاکہ سوروپ نگر پولیس نے مخبر کی اطلاع ملنے کے بعد گول چوراہے پر چیکنگ مہم شروع کی تھی ۔چیکنگ کے دوران پولیس نے اوریا کے باشندے سنجیو کمار یادو ،انوج یادو ،سہدیو سنگھ یادو کو گرفتار کرلیا۔ مذکورہ گروہ طویل عرصہ سے گاڑیاں چوری کرنے کے وارداتوں کوانجام دیے رہاتھا ۔ گروہ کے لوگ کانپور کے علاوہ اوریا ،اٹاوہ ،کانپور دیہات سے گاڑیاں چوری کرکے انہیں کم قیمت پر فروخت کردیتے تھے ۔ برآمد تین موٹر سائیکلیںسوروپ نگر ،براو کلیان پور علاقوں  سے چوری کی گئی تھی ۔چیکنگ مہم میں ایس ایس آی ہری شنکر مشرا ،ایس آئی رما شنکر ،ایس آیب سنتوش کمار شامل تھے ۔