کارو موٹرسائیکل کے تصادم میں نوجوان کی موت

بارہ بنکی(نامہ نگار)تھانہ فتح پورکے تحت دیل ہرا سڑک پر کار اور موٹرسائیکل کے تصادم میں موٹرسائیکل پرسوار نوجوان کی موت ہوگئی جبکہ ایک نوجوان شدید طورسے زخمی ہوگیا ۔
پولیس نے زخمی کو ضلع اسپتال میں داخل کرایا جہاں ابتدائی علاج کے بعد اسے ٹراماسینٹر لکھنؤ بھیج دیا۔پولیس نے دوسرے نوجوان کی لاش کو قبضے میںلیکر لاش کوپوسٹ مارٹم کیلئے بھیج دیا۔ موصولہ خبر کے مطابق نتن کمار(۷۱)اور ناگیندرباشندہ گاؤں کھیریا تھانہ فتحپور موٹرسائیکل سے فتح پور بیٹری لینے کے لئے گیاہواتھا ۔ کل شام جب وہ بیٹری لے کر واپس آرہاتھا اسی درمیان سی او جنگلات دفتر کے آگے بیل ہرا سڑک پر مخالف سمت سے آنے والی کار نے موٹرسائیکل میں ٹکر ماردی ۔
جس کی وجہ سے نتن کی موقع پرموت ہوگئی جبکہ ناگیندرشدید طورسے زخمی ہوگیاجس کو ضلع اسپتال میں داخل کرایاگیا لیکن ڈاکٹروں نے ناگیندر کی تشویشناک حالت کودیکھتے ہوئے اسے ٹراماسینٹر لکھنؤ بھیج دیا۔