بڑی عمر کا دولہا دیکھ کردلہن کا شادی سے انکار

کانپور یکم جون (یو این آئی) اتر پردیش میں کانپور کے مھاراج پور علاقے میں کل رات بڑی عمر کا دولہا دیکھ کر دلہن نے اس سے شادی کرنے سے انکار کر دیا اور بارات کو بیرنگ لوٹنا پڑا۔پولیس کے مطابق مھاراج پور کے بھداسا گائوں میں خوابوں کے شہزادے کے انتظار میں سج دھج کر بارات کا انتظار کر نے والی ایک دلہن کا خواب اس وقت چکنا چور ہو گیا جب اس نے والد کی عمر کے دولہے کو دیکھا۔ انہوں نے بتایا کہ 56 سال کے دولہے کو دیکھ کر 18 سال کی دلہن بھڑک گئی اور اس نے اس سے شادی کرنے سے انکار کر دیا اور بارات کو واپس بیرنگ لوٹا دیا۔انہوں نے بتایا کہ رات کے قریب 10 بجے جب بارات دلہن کے گھر پہنچی تو اس کی نظر عمردرازدولہے پر پڑی تو وہ من
ڈپ سے چلی گئی اور شادی کرنے سے انکار کر دیا۔ دلہن کے انکار کرنے پر لڑکے والے ناراض ہو گئے ۔ اطلاع ملنے پر موقع پر پہنچنے والی پولیس نے دونوں فریقوں کو خاموش کرایا اور دلہن کے کہنے پر بارات کو واپس بھیج دیا گیا۔