چوری کی تین موٹر سائیکل کے ساتھ تین چور گرفتار

لکھنو۔(نامہ نگار) بازار کھالہ پولیس نے آج تین شاطر گاڑی چوروں کو گرفتار کیا۔ پولیس نے ان کے پاس سے چوری کی تین موٹر سائیکل برآمد کی ہے۔ سی او بازار کھالہ راج کمار اگروال نے بتایا کہ آج دوپہر بازار کھالہ ٹیم کی ایک پولیس نے بھوسہ منڈی کے نزدیک سے تین موٹر سائیکل سوار تین نوجوانوں کو پکڑا ۔
پولیس نے جب ان سے موٹر سائیکل کے کاغذات مانگے تو وہ ایک بھی کاغذ نہیں دکھاسکے ۔ شک ہونے جب پولیس نے تین
وں سے پوچھ گچھ کی تو تینوں نے بتایا کہ مذکورہ موٹر سائیکل چوری کی ہے۔اور سعادت گنج و تال کٹورہ علاقے سے چوری کی گئی تھی۔ پوچھ گھچھ میں پکڑے گئے گاڑی چوروں نے اپنا نام بازار کھالہ باشندہ اجے ، دیپک اور کندن بتایا ہے۔ ملزمین نے بتایا کہ وہ لوگ چوری کی موٹر سائیکل کو سستی قیمت میں فروخت کردیا کرتے تھے۔