دولہن نے شرابی دولہے سے شادی سے کیا انکار

بلیا(بھاشا)بلیا ضلع کے بیئریامیں ایک دولہن نے شراب کے نشے میں بد مست دولہے سے شادی کرنے سے انکار کر دیا جس کے بعد مجبوراً بارات خالی ہاتھ واپس لوٹ گئی ۔ ذرائع کے مطابق بیئر یا تھانہ حلقہ کے چنتا منی رائے کا ٹولہ گاو¿ں کے رہنے والے تیج نارائن سنگھ کے بیٹے کی شادی بیئریا تھانہ
علاقے کے ہی مجہی گاو¿ں کے شیام بہادر سنگھ کی بیٹی سے طے ہوئی تھی ۔طے شدہ پروگرام کے مطابق ۲۱ مئی کی شب کو بارات مجہی گاو¿ں پہنچی تھی انہوںنے بتایا کہ منڈ پ میں پاس بیٹھنے پر دولہن کو دولہے کے منہ سے شراب کی بدبو محسوس ہوئی اس سے ناراض ہو کر دولہن منڈپ سے اٹھ کر گھر چلی گئی اور شادی سے انکار کردیا ۔
چشم دیدوں کے مطابق کافی منانے کے بعد بھی دولہن شرابی دولہے سے شادی کرنے کےلئے راضی نہیںہوئی ۔ا س پر گاو¿ں میں پنچایت بلائی گئی اور شادی میں ہوئے خرچ اور سامان کالین دین واپس کرا کربارات کو لوٹادیا گیا ۔