ٹریکٹر ٹرالی کی زد میں آنے سے نوجوان کی موت

لکھنؤ:نتھرا علاقے میں ایک اینٹ لدی ٹریکٹر ٹرالی نے ایک موٹر سائیکل سوار دو لوگوں کو ٹکر ماردی۔ حادثہ کے بعد موٹر سائیکل سوار نوجوان ٹرالی میں پھنس کر کافی دور تک گھسٹتا چلا گیا۔پولیس نے دونوں نوجوانوں کو علاج کے لئے ٹراما سینٹر میں داخل کرایا۔ جہاں ایک نوجوان کی موت ہوگئی۔
سروجنی نگر کے پپر سنڈ کے رانی پور کا باشندہ ۵۳سالہ سنجے اور آسرے گاؤں کے رہنے والے ایک نوجوان کے ساتھ موٹر سائیکل سے بجنور سے بنتھرا کی طرف جارہا تھا۔ بتایا جاتاہے کہ بنتھرا بجنور روڈ واقع چنکھرا کے نزدیک گاؤں کی طرف سے آرہے اینٹ لدے ٹریکٹر سے موٹر سائیکل کی آمنے سامنے ٹکر ہوگئی۔ موٹر سائیکل کی پچھلی سیٹ پر بیٹھا نوجوان دور جاگرا۔
سنجے موٹر سائیکل سمیت ٹریکٹر میں پھنس کر دور تک گھسٹتا چلاگیا۔ حادثہ میں دونوں شدید طور پر زخمی ہوگئے ۔ اطلاع پاکر موقع پر بنتھرا پولیس بھی پہنچ گئی۔ پولیس نے دونوں زخمیوں کو علاج کے لئے اسپتال میں داخل کرایا۔ جہاں سنجے کی موت ہوگئی۔