میرا کی گرفتاری کا حکم

لاہور: صوبہ پنجاب کے دارالحکومت لاہور کی مقامی عدالت نے میرا کے وارنٹ گرفتاری جاری کرتے ہوئے پولیس کو سترہ جون تک اداکارہ کو گرفتار کر کے پیش کرنے کا حکم دے دیا ہے۔
ڈان نیوز کے مطابق ادکارہ میرا کے خلاف ان کے سابق مبینہ شوہر عتیق الرحمان نے سیشن عدالت میں درخواست دائر کر رکھی ہے۔
عتیق الرحمان نے مؤقف اختیار کیا ہے کہ اداکارہ میرا نے ان کے ساتھ نکاح کے باوجود کسی اور سے نکاح کیا جو کہ اسلام اور قانون پاکستان کے خلاف ہے۔
انہوں نے عدالت کو بتایا کہ اداکارہ کے خلاف ایف آئی آر درج کی جائے۔