تین سولیٹر خام شراب سمیت چھ افراد گرفتار

بریلی: رام گنگا کے کنارے کٹری میں خام شراب بنانے کے ایک ٹھکانے پر چھاپہ مارکر پولیس نے تین سو لیٹر خام شراب سمیت چھ لوگوں کو گرفتار کر کے جیل بھیج دیا۔ سبھاش نگر تھانہ علاقے کے وریا نارائن گاؤںمیں آج صبح پولیس نے مخبر کی اطلاع کے بعد رام گنگا کے کنارے چھاپہ مار کر تین سو لیٹر خام شراب ، شراب بنانے والے آلات اور یوریا بھی برآمد کی ۔ پولیس کو دیکھ شراب بنانے والے لوگوں میں افرا تفری مچ گئی اور وہ خود کو بچانے کے لئے گنگا کی جانب بھاگنے لگے ۔تاکہ گنگا میں کود کر پولیس کے ہاتھوں سے بچ سکیں۔ لیکن پہلے سے مستعید پولیس کے جوانوں نے ان کو چاروں طرف سے گھیر کر بریا نارائن پور کے ہی رہنے والے راجہ رام ، بھورے ، مہاویر ، شیام کشور ، دھرم پال ، سیتا رام کو رنگ ہاتھوں پکڑلیا۔ پولیس نے بتایا کہ گرفتار کئے گئے سبھی چھ لوگ طویل عرصہ سے خام شراب کا کارو بار کرنے میں مصروف تھے۔ شراب تیار کرنے کے بعد وہ ضلع میں دیگر مقامات پر خام شراب فروخت کرنے والوں کو اس کی سپلائی کرتے تھے ۔ جس کی اطلاع پولیس کو تھی اور وہ ان کی فراق میں تھی۔ آج پولیس نے انہیں گرفتار کرکے جیل بھیج دیا۔