ڈیفنس کالونی میں زیوارات سمیت نقد روپئے کی چوری

بریلی (نامہ نگار)گزشتہ شب مکان میںداخل چوروں نے گھر سے لاکھوں روپئے زیوارات سمیت نقد روپئے چوری کرلیا ۔ اطلاع ہونے پر مکان مالک نے اس کی اطلاع پولیس میں کی ۔
عزت نگر تھانہ علاقے کی ڈیفنس کالونی باشندہ شوکت علی کے مکان میں گھنسے چوروں نے الماری کا تالا توڑ کر اس میں رکھے کئی لاکھ کے زیورات اور نقد روپئے چوری کرلئے ۔ شوکت علی نے بتایاکہ گرمی کے سبب گھر کے تمام لوگ چھت پر سوئے ہوئے تھے ۔چوروں نے نصف رات میں مکان کے صدر دروازے کا تالا توڑ دیا اور گھر میں گھس آیا ۔ چوروں نے گھر کے اندر آنے کے بعد زینہ کے دروازہ بند کردیا جس سے سورہے لوگ نیچے نہ آسکے ۔ شوکت نے بتایاکہ چور سونے کی دو چوڑی،ایک ہار ،نتھیا ،ٹیکہ ،دو انگوٹھی ،دوجوڑی جھمکا ،تین جوڑی پازیب اور ایک چاندی کے تھالی کے ساتھ۳۴ہزار نقد کے ساتھ فرارہوگیا ۔صبح جب نیچے اتر نے کے لئے زینہ پر آئے تو زینہ کے دروازہ باہر سے بند تھا ۔ انہوں نے پڑوسیوںسے زینے کا دروازہ کھلوایا تو نیچے اتر کر دیکھا تو کمرے کا تالا ٹوٹاہواتھا اور کمرے کا سامان منتشر تھا ۔ انہوں نے اطلاع پولیس کو دی ۔ پولیس نے موقع پر پہنچ کر معائنہ کیا ۔