لکھن: وزیراعظم نریندر مودی نے وزیراعلی اکھلیش یادو کو تاحیات صحتمند اور خوش رہنے کی نیک خواہشات پیش کرتے ہوئے ان کی42 ویں سالگرہ پر آج مبارک باد دی۔
مسٹر مودی نے ٹویٹر کے توسط سے اپنے تہنیتی پیغام میں ان کی طویل عمر ی کی خواہش کا اظہار کیا۔ وزیراعلی نے پیغام موصول ہوتے ہی مسٹر مودی کا شکریہ ادا کیا۔اپنے یوم پیدائش کے موقع پر مسٹر
یادو نے پارجات درخت کا پودا لگایا تاہم انہوں نے کہا کہ شجرکاری کا تعلق ان کی سالگرہ سے نہ جوڑا جائے کیونکہ آج جنگلات کی تقریب بھی ہے ۔ سماج وادی پارٹی کے کارکنان ریاست بھر میں وزیر اعلی کی سالگرہ جوش و خروش سے منا رہے ہیں۔کئی مقامات پر غریبوں کو کپڑے اور پھل تقسیم کئے گئے اور شہروں میں پارٹی کو مزید مضبوط بنانے کا عزم کیا گیا۔
