ایپل کے بانی کی زندگی پر مبنی فلم ’اسٹیو جابز‘ کا پہلا ٹریلر جاری

ہالی وڈ:مشہور زمانہ امریکی ٹیکنالوجی کمپنی ایپل کے بانی کی زندگی پر مبنی بائیوگرافیکل فلم اسٹیو جابز کا پہلا ٹریلر جاری کردیا گیا ہے۔ ڈینی بوئل کی ہدایتکاری میں بننے والی اس فلم کی کہانی اسٹیو جوبز کی ذاتی زندگی اور ٹیکنالوجی کی دنیا میں تہلکہ مچانے کے لیے کی گئی انتھک جدوجہد کے گرد گھومتی ہے۔ فلم میں اسٹیو جابز کا کردار اداکار مائیکل فیس بینڈر نبھا رہے ہیں، جبکہ دیگر کاسٹ میں مشہور اداکارہ کیٹ ونسلیٹ، سیٹھ روگن، جیف ڈینیلز، کیتھرین واٹرسن، سارہ اسنوک اور مائیکل اسٹھلبرگ شامل ہیں۔ گیمن کساڈے اور ڈینی بوئل کی مشترکہ پروڈیوس کردہ یہ فلم یونیورسل پکچرز کے بینر تلے 9اکتوبر کوسینما گھروں میں نمائش کے لیے پیش کی جائے گی۔