افریقہ کی گرم ہواﺅ ں نے ٹھنڈے یورپ کو لپیٹ میں لے لیا

میڈریڈ:افریقا سے آنے والی گرم ہواو¿ں نے ٹھنڈے یورپ کو اپنی لپیٹ میں لے لیا۔ ماہرین نے یورپ میں درجہ حرارت 40ڈگری تک جانے کی پیش گوئی کردی۔ گرمی کی شدت سے ٹھنڈے ملکوں میں رہنے والوں کے پسینے چھوٹ گئے ہیں۔ پیرس میں آج پارہ 39 ڈگری تک جا پہنچا، گرمی سے پریشان لوگوں نے پارکوں اور سوئمنگ پولز کا رخ کرلیا۔ اسپین کے دارالحکومت میڈرڈ کے لوگ بھی آج گرمی سے بےحال رہے جہاں درجہ حرارت 37سینٹی گریڈ ریکارڈ کیا گیا۔ ماہرین کے مطابق اتوار کو درجہ حرارت 40 تک جاسکتا ہے۔ لندن کے باسیوں کو جولائی کے پہلے دن ہی ماہ جولائی کی 9 سالہ تاریخ کا گرم ترین دن دیکھنا پڑا۔ درجہ حرارت 36 اعشاریہ 7 ریکارڈ کیا گیا۔ حکام نے بچوں اور بوڑھوں کے لیے احتیاط کی وارننگ جاری کردی۔ جرمنی میں بھی رواں ہفتے درجہ حرارت 35 سے 39 ڈگری تک پہنچنے اور گرمی کا 30 سالہ ریکارڈ ٹوٹنے کی پیش گوئی کی گئی ہے۔