دہلی کے عوام کو گرمی سے راحت نہیں

نئی دہلی:قومی راجدھانی دہلی میں لوگوں کوآج بھی حبس سے بھری گرمی سے راحت نہیں ملی۔محکمہ موسمیات کے مطابق یہاں کا زیادہ سے زیادہ درجہ حرارت 39ڈگری اور کم از کم 26ڈگری سیلسیس ریکارڈ کیا گیا اور آئندہ اس کے زیادہ سے زیادہ 40ڈگری سیلسیس اور کم از کم 27ڈگری سیلسیس رہنے کا اندازہ ہے ۔آسمان میں ہلکے بادل چھائے رہیں گے اور چند علاقوں میں بوندہ باندی یا گرج چمک کے ساتھ بوچھار پڑنے کا امکان ہے ۔