ایئر ٹیل نے نیشنل موبائل نمبر پورٹبلیٹی شروع کی

نئی دہلی: ٹیلی مواصلات کے شعبے کی ملک کی سب سے بڑی نجی کمپنی بھارتی ایئر ٹیل نینیشنل موبائل نمبر پورٹبلیٹی (ایم این پی) سروس شروع کرنے کا آج اعلان کیا اور کہا کہ اس کے تحت اب اس کے صارفین پورے ملک میں ایک ہی نمبر رکھ سکیں گے ۔ اس کے ساتھ ہی قومی سطح پر ایم این پی شروع کرنے والی ایئر ٹیل پہلی کمپنی بن گئی ہے ۔کمپنی نے یہاں جاری بیان میں کہا کہ پورے ملک میں کسی بھی ریاست میں جانے پر صارفین پرانا نمبر کی رکھ سکیں گے اور ایئر ٹیل کے نیٹ ورک پر 24 گھنٹے کے اندر اندر پورٹنگ درخواست پر کارروائی شروع ہو جائے گی اور اس دوران صارفین کو فری رومنگ کی سہولت ملے گی۔ایئر ٹیل نے کہا کہ اس دوران پری پیڈ صارفین کا بیلینس بھی جوں کی توں بنا رہے گا اور پوسٹپیڈ صارفین کی بل ادائیگی نئے مقام پر منتقل کر دی جائے گی۔ اگرچہ کمپنی نے کہا کہ سیکورٹی وجوہات سے جموں و کشمیر اور شمالی مشرق میں یہ سہولت نہیں ملے گی۔کمپنی کے مارکیٹ آپریشن کے ڈائریکٹر اجے پوری نے کہا کہ آج موبائل فون ہماری زندگی کا ضروری حصہ بن چکا ہے اور موبائل نمبر ہماری شناخت بن چکی ہے ۔ ان کی کمپنی اب پورے ملک میں موبائل نمبر پورٹبلیٹی شروع کرنے کے لئے تیار ہے جس کا مقصد صارفین کو پورے ملک میں ایک ہی شناخت بنائے رکھنا ہے ۔انہوں نے کہا کہ اس کے لئے ایئر ٹیل صارفین کو اپنی نئی رہائش گاہ کے قریبی ایئر ٹیل دکان پر جاکر ایم این پی عمل کو پورا کرنا ہو گا۔ اس کے لئے آن لائن یا کال سینٹرسے مکمل معلومات حاصل کی جا سکتی ہیں۔