ڈالی گنج کے مکانوںمیں ۱۵دنوں سے پانی کا بحران

لکھنو:ڈالی گنج کے تین درجن سے زائد گھروں میں گذشتہ ۱۵دنوں سے پینے کا پانی نہیں آرہا ہے ۔ مقامی لوگوں کا کہنا ہے کہ اس کی شکایت جے ای سے لے کر جی ایم تک سے کی جاچکی ہے لیکن سپلائی میں بہتری نہیں آئی جس کے سبب لوگوں کوآس پاس کے ہینڈ پمپ سے پانی لانا پڑرہا ہے۔ یہاں کی رہنے والی ممتا کھرے نے بتایا کہ گذشتہ ماہ واٹر ورکس نے پیپ لائن روڈ کے دوسری طرف منتقل کی تھی اس کے کچھ دن بعد سے ہی گلی کے مکان تک کے گھروں میں پانی کی سپلائی نہیں آرہی ہے ۔ اس کے آگے کئی مکانوں میں بھی ایسے ہی حالات ہیں۔ جے ای سے شکایت کرنے کے بعد درمیان میں ایک دو دن پانی آیا وہ بھی کچھ دیر کیلئے ۔محلے کئی لوگوں نے بتایا کہ سپلائی نہ آنے سے دور لگے ہینڈ پمپ سے پانی لانا پڑرہا ہے۔