سنجے سنگھ کے بیٹے اننت وکرم گرفتار

امیٹھی: کانگریس کے سینئر لیڈر اور راجیہ سبھا رکے رکن پارلیمنٹ سنجے سنگھ کے بیٹے اننت وکرم سنگھ کو پولیس نے امیٹھی میں بھوپتی بھون کے مشہور خونی جدوجہد کے معاملے میں آج گرفتار کرلیا۔
26 جولائی 2014 کو کانگریس لیڈر کے آبائی رہائش گاہ بھوپتی بھون میں ہونے والے تشدد میں ایک پولیس اہلکار کی موت ہو گئی تھی۔
پولیس سپرنٹڈنٹ ھیرالال نے آج یہاں بتایا کہ مسٹر سنگھ کی گرفتاری عدالت کے حکم کے بعد کی گئی۔ ضلع کی مقامی عدالت نے مسٹر سنگھ کے خلاف غیر ضمانتی وارنٹ جاری کیا تھا۔
بھوپتی بھون معاملے کے سلسلے میں کانگریس لیڈر کے بیٹے کے خلاف دو ایف آئی آر درج کی گئی تھی جس میں بھوپتی بھون میں قبضے کے سلسلے ہونے والے تشدد میں ایک پولیس اہلکار کی موت کا معاملہ تھا جبکہ دوسری ایف آئی آر مسٹر سنجے سنگھ کے پی آر افسر سنتوش سنگھ نے درج کرائی تھی جس میں اننت وکرم کی طرف سے بھوپتی بھون پر غیر قانونی قبضے کی کوشش شامل تھا۔ دونوں ایف آئی آر دفعہ 302 اور 307 کے تحت درج کرائی گئی تھی۔
بھوپتی بھون میں قبضے کے سلسلے میں ہوئے تشدد کے بعد گزشتہ سال اننت وکرم نے بھارتیہ جنتا پارٹی (بی جے پی) کی بنیادی رکنیت اختیار کر لی تھی۔ مسٹر اننت وکرم کو پولیس آج سلطان پور عدالت میں پیش کرے گی۔
واضح ر ہے کہ بھوپتی بھون میں قبضے کے سلسلے میں کانگریسی لیڈر سنجے سنگھ اور ان کی پہلی بیوی گریما کے درمیان تنازع ہے اور اسی کی وجہ سے گزشتہ سال بھوپتی بھون میں خونی جدوجہد ہوا تھا۔