پاکستانی اداکار فواد خان کا کہنا ہے کہ کرینہ کپور انتہائی باصلاحیت اداکارہ ہیں او ان کے ساتھ کام کرنا اعزاز ہوگا۔
حال ہی میں فواد خان اور بولی وڈ اداکارہ کرینہ کپور کی ایک تصویر انٹرینٹ پر وائرل ہوئی جس کے بعد یہ قیاس آرائیاں ہونے لگیں کہ دونوں ایک ساتھ فلم میں کام کر رہے ہیں۔
تاہم مڈ ڈے پرشائع ہونے والی ایک رپورٹ کے مطابق فواد خان نے اس کی تردید کرتے ہوئے کہا کہ کرینہ انتہائی باصلاحیت فنکارہ ہیں اور وہ ان کے بہت بڑے فین ہیں اوران کی خواہش ہے کہ ایسی اداکارہ کے ساتھ کام کرنے کا موقع ملے۔
کرینہ کے ساتھ تصویر کے بارے میں فواد نے بتایا کہ یہ اتفاق تھا کہ ہم دونوں ایک ہی سیٹ پر موجود تھے، کرینہ کپور اپنی فلم ‘بجرنگی بھائی جان’ کی پروموشن کے لیے جبکہ میں اپنی فلم کی شوٹنگ کے لیے وہاں موجود تھا، جہاں ہمیں ایک ساتھ تصویر کھنچوانے کا موقع ملا۔
اداکار نے یہ تصویر اپنے انسٹا گرام اکاؤنٹ پر شیئر کی۔
